ጠቅላይ ሚኒስትር አብይ ወደ ስልጣን ከመምጣታቸው በፊት በዚህ መጽሃፍ ከተጠቀሱት ህግጋት በራስህ ልዩ መግለጫ ንጉሥ ሁን፣ የጊዜን ጥበብ ተካን፣ በተግባር አሸነፍ እንጂ በፍፁም በድርድር አታሸንፍ፣ ጠላትህን ትጥቅ ለማስፈታት የተመረጠ ታማኝነትና ለጋስነትን ተጠቀም የመሳሰሉት ተጠቀመውባቸዋል ብዬ እገምታለሁ፡፡
ወደ ስልጣን ከመጡ በኋላ ደግሞ በሌሎች ልብና አዕምሮ ላይ ስራ፣ አስገዳጅ ትዕይንት ወይም የእይታ መነፅር መፍጠር፣ ራስህን እንደገና መፍጠር፣ እጅህን ንፁህ አድርግ፣ ሌሎች ሰዎች ወደ አንተ እንዲመጡ አድርግ፣ ሌሎችን በተንጠለጠለ ሽብርተኛነት ውስጥ አኑር፣ ስለ ለውጥ አስፈላጊነት መስበክ የሚሉትን አውቀዋቸው እየተጠቀሙባቸው ናቸው ብዬ እገምታለሁ፡፡
ኃይለ ስላሴ በዚህ የተካኑ ናቸው፡፡ በዚህ መጽሃፍ ደጃዝማች ባልቻን ያስገበሩበት ድንቅ ተረክ በሃገራችን ታሪክ ሌላ ጋር ያላገኘውትና የደነቅኝ ነው፡፡